-16 °С
Болотло
Бөтә яңылыҡтар
Новости
15 Июль 2020, 18:00
Стәрлетамаҡта ҡыҫҡа метражлы балалар киноальманахы етештереү проекты эшләй башланы
Стәрлетамаҡта “Шаяртып та, ысынлап та” исемле ҡыҫҡа метражлы балалар киноальманахы етештереү буйынса проект эшләй башланы. Проект “Сотворение” балалар киноһы үҫеше фонды тарафынан Рәсәй Федерацияһы Президентының граждандар йәмғиәте үҫешенә йүнәлтелгән грантын ҡулланып тормошҡа ашырыла. 1 июлдән киноальманахта төшөргә теләүсе 9 йәштән 16 йәшкә тиклемге балалар араһында онлайн-кастинг иғлан ителде. Профессиональ жюри улар араһында 20 баланы һайлап аласаҡ.
“Сотворение” Фонды командаһы “Шаяртып та, ысынлап та” проектын 8 йыл дауамында алып бара. Ҡазан, Һамар, Һарытау, Калуга, Пенза ҡалаларында киноальманахтың 30 миҙгеле төшөрөлгән дә инде. Уның фильмдары 100 тапҡыр бөтә Рәсәй һәм халыҡ-ара фестивалдәр лауреаты булды. Улар Рәсәйҙең, Белоруссия һәм Ҡаҙаҡстандың 90-дан ашыу телеканалында күрһәтелә.
Сентябрҙән Стәрлетамаҡта фильм төшөрөү башланасаҡ һәм 3-4 ай дауам итәсәк. Был ваҡыт эсендә балалар актерлыҡ оҫталығы, сәхнә телмәре, пластика буйынса оҫталыҡ дәрестәре аласаҡ, тәжрибәле педагогтар менән шөғөлләнәсәк. Әйтергә кәрәк, сценарий һайлап алынған балаларҙың йәшен, тышҡы ҡиәфәтен, һәләтен иҫәпкә алып яҙыла. Һәр бер сценарийҙа 2-3 төп роль, шуға күрә һәр бер ҡатнашыусы фильмдарҙың төп геройына әүерелә аласаҡ.
Фильмдарҙың сюжетында мәктәп, үҫмерҙәрҙең ҡыҙыҡһыныуҙары, тиҫтерҙәре һәм өлкәндәр менән мөнәсәбәте темалары сағыласаҡ. Жанрҙар буйынса ла фильмдар төрлө булырға тейеш: мелодрама, притча, комедия, мистик йә детектив жанр. Әммә барыһы ла юмор менән буласаҡ.
Онлайн-кастингта ҡатнашыу өсөн “Сотворение” фондының сәхифәһенә заявка ҡалдырып, видеояҙма төшөрөп ебәрергә кәрәк.
Проектың фильмдары менән һылтанма аша танышырға мөмкин.
Башҡортостандың мәҙәни донъяһы
Читайте нас:
© 2025 "ТАМАША" Республика мәҙәниәт һәм сәнғәт журналының сайты.
Сайт Республиканского журнала культуры и искусства "ТАМАША".
Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы.
Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Зарегистрирован Федеральной службой по надзору в сфере связи, информационных технологий и массовых коммуникаций 5 ноября 2015 года. Свидетельство о регистрации ПИ № ТУ02-01477
Телефон
(347)292-77-64
Электрон почта
Адресы
450079, Республика Башкортостан, г. Уфа, ул. 50-летия Октября, 13, каб. 612