-10 °С
Болотло
75 лет Победы
Бөтә яңылыҡтар
Новости
18 Май 2020, 11:03

Өфөлә «Өлгөлө ихата, йорт, подъезд» конкурсы башлана

Изге йолаға әүерелгән «Өлгөлө ихата, йорт, подъезд» конкурсы Өфөлә 2004 йылдан алып уҙғарыла. Уның маҡсаты – ҡаланың тышҡы йөҙөн, уның ихаталарын һәм йорттарын матурлау. Конкурста йортта йәшәүселәр, идара ойошмалары, торлаҡ милекселәре ширҡәттәре, торлаҡ һәм башҡа махсуслашҡан ҡулланыусылар кооперативтары ҡатнаша ала.

Конкурс ике этапта ойошторола. Районда – майҙан сентябргә тиклем. Ҡала этабы – 1 сентябрҙән 15 декабргә хәтлем. Район этабының һигеҙ еңеүсеһе ҡала этабына сыға. Махсус комиссия улар араһынан еңеүселәрҙе билдәләй. Йорт, ихата һәм подъезд, уларҙың төҙөклөгө, биҙәлеше, торлаҡ фондын техник файҙаланыу нормаларын үтәү, хеҙмәттәр өсөн бурыстың булмауы һәм башҡа параметрҙар баһалана.
Еңеүселәрҙе аҡсалата премия көтә, уны милекселәрҙең дөйөм йыйылышының ҡарары буйынса ихатаны, йортто, подъезды өҫтәмә төҙөкләндереү, шулай уҡ күп фатирлы йорт Советы рәйесен дәртләндереү өсөн тотонорға мөмкин (ләкин 10% артыҡ булмаҫҡа тейеш).
2019 йылда 51 ихата, 49 йорт һәм 49 подъезд «Өлгөлө йорт, ихата, подъезд» конкурсында ҡатнашырға ғариза биргәйне.
http://www.bashinform.ru/news/1450390-v-ufe-startuet-konkurs-obraztsovyy-dvor-dom-podezd-/
Читайте нас в