Өфөлә скульптор Радик Хөсәйенов ҡапыл вафат булды

Башҡортостан мәҙәниәте һәм сәнғәте ауыр юғалтыу кисерҙе. Өфөлә билдәле скульптор, Рәсәйҙең Рәссамдар союзы ағзаһы, Өфө дәүләт нефть техник университетының архитектура кафедраһы доценты Радик Хөсәйенов ҡапыл арабыҙҙан китте. Уға 59 йәш ине.

Радик Хөсәйенов Кемерово ҡалаһында тыуған. Ата-әсәһе сығышы менән Благовар районының Күсәрбай ауылынан. 1983 йылда Башҡорт дәүләт педагогия институтының художество-графика факультетын тамамлаған. Рәсәйҙең һәм Башҡортостандың атҡаҙанған рәссамы Н.А. Калинушкиндың уҡыусыһы.

Р.Хөсәйеновтың станокта башҡарылған скульптура әҫәрҙәре М.В.Нестеров исемендәге Башҡорт дәүләт художество музейы коллекцияһында.

1980 йылдан ул Бөтә Рәсәй, төбәк һәм республика күргәҙмәләрендә ҡатнашҡан. Өфөлә «таштан скульптура» (1991,1992), Рязань (1992), Азов (1992) Бөтә Рәсәй скульптура симпозиумдарында ҡатнашыусы. Уның әҫәрҙәре юғарыла әйтелгән ҡалалар парктарында һәм скверҙарында ҡуйылған.

Р.Хөсәйенов (Р.Хәсәнов менән берлектә) — Стәрлетамаҡ ҡалаһындағы «Беренсе уҡытыусы» һәйкәле; Советтар Союзы Геройҙарына һәм мәҙәниәт эшмәкәрҙәренә бюстар авторы.

Уның әҫәрҙәре һынлы сәнғәт буйынса ил һәм республика баҫмаларында донъя күргән. Эштәрҙе «Башҡортостандың яратҡан рәссамдары» проекты сайтында ҡарарға мөмкин.

Хушлашыу иртәгә, 3 мартта, иртәнге сәғәт 10-дан 12-гә тиклем Өфө художество галереяһында була.

http://www.bashinform.ru/news/1420218-v-ufe-skoropostizhno-skonchalsya-skulptor-radik-khusainov/

Читайте нас:

© 2024 "ТАМАША" Республика мәҙәниәт һәм сәнғәт журналының сайты.
Сайт Республиканского журнала культуры и искусства "ТАМАША".
Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы.
Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".

Зарегистрирован Федеральной службой по надзору в сфере связи, информационных технологий и массовых коммуникаций 5 ноября 2015 года. Свидетельство о регистрации ПИ № ТУ02-01477

Телефон

(347)292-77-64

Электрон почта

[email protected]

Адресы

450079, Республика Башкортостан, г. Уфа, ул. 50-летия Октября, 13, каб. 612