-6 °С
Болотло
Бөтә яңылыҡтар
Новости
26 Февраль 2020, 16:56
Өфө «Арт-клуб»ында рәссам Рәсих Әхмәтвәлиев менән осрашыу була
26 февралдә Өфө «Арт-клуб»ында эшләп килгән башҡорт теле клубында рәссам Рәсих Әхмәтвәлиев менән осрашыу була.
Был хаҡта Арт-клуб етәксеһе Айгөл Рәшитова хәбәр итте.
Рәсих Әхмәтвәлиев сәнғәт, ижад һәм яҙмыш тураһында һөйләргә ниәтләй.
Инеү ирекле. Киске сәғәт 7-лә башлана.
Әхмәтвәлиев Рәсих Хәсип улы 1956 йылдың 27 декабрендә БАССР-ҙың Шишмә районы Бикәй ауылында тыуған.
Мәктәптән һуң Өфө музыка-педагогия училищеһының художество-графика факультетында уҡыған. Училищены тамамлағас, 1976 йылда Башҡорт дәүләт педагогия институтына уҡырға ингән.
«Инйәр» ижади төркөмө ағзаһы (1989 — 1993), 1992 йылдан — Рәсәй Федерацияһының Рәссамдар союзы, 1990 йылдан «Сыңғыҙхан» ижади берекмәһе ағзаһы.1991 йылда Америка Ҡушма Штаттарында эшләгән.
2002 -2008 йылда Францияла йәшәгән (Онфлер,Париж ҡалаларында), ул унда Bartoux галереяһы, 2009 йылдан Visio dell’Arte, Paris галереяһы менән хеҙмәттәшлек иткән. Францияла «Көҙгө салон», Карузель Де-Лувр күргәҙмәләрендә ҡатнашҡан, Париж, Онфлёр, Сан-Поль Ванс, Межев, Куршавель ҡалаларында Роберт Барто галереяларында даими экспозициялар ойошторған.
Кубист техникаһында эшләй, үҙ эштәренең стилен фигуратив сәнғәт тип иҫәпләй. Уның рәсемдәренең төп темаһы — ҡатын-ҡыҙ матурлығы, ҡыйыу һыбайлы образы.
Рәссамдың картиналары Третьяков галереяһында, М. В. Нестеров исемендәге Башҡорт дәүләт художество музейында (Өфө), Тулуз Лотрек музейында (Париж, Франция) һәм башҡа галереяларҙа һаҡлана.
http://www.bashinform.ru/news/1418220-v-ufimskom-art-klube-sostoitsya-vstrecha-s-khudozhnikom-rasikhom-akhmetvalievym/
Розалиә Вәлиева
Читайте нас:
© 2024 "ТАМАША" Республика мәҙәниәт һәм сәнғәт журналының сайты.
Сайт Республиканского журнала культуры и искусства "ТАМАША".
Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы.
Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Зарегистрирован Федеральной службой по надзору в сфере связи, информационных технологий и массовых коммуникаций 5 ноября 2015 года. Свидетельство о регистрации ПИ № ТУ02-01477
Телефон
(347)292-77-64
Электрон почта
Адресы
450079, Республика Башкортостан, г. Уфа, ул. 50-летия Октября, 13, каб. 612