Өфөлә Йәштәр театры «Уйҙарымдан ғына юғалма...» музыкаль драмаһының премьераһын әҙерләй

Мостай Кәрим исемендәге Милли йәштәр театрында төрөк яҙыусыһы Решат Нури Гюнтекиндың «Йырсы ҡош» романы буйынса музыкаль драманың репетициялары бара. «Уйҙарымдан ғына юғалма» спектакленең премьераһы 6 һәм 7 мартта була.

Сәхнә версияһының авторы – Зөһрә Бураҡаева һәм Илдар Ғиләжев, ҡуйыусы режиссер – Илдар Ғиләжев. Спектаклдең ҡуйыусы рәссамы – Юлиә Ғиләжева, композитор – Урал Иҙелбаев.

Романда Фәриҙә исемле ҡыҙҙың саф һөйөү хистәре хаҡында һүҙ бара. Шатлыҡ һәм әрнеү, күҙ йәштәре һәм яңы бәхеткә өмөт – донъя әҙәбиәте классикаһы тип танылған роман тап ошо мәңгелек темаларға арнала.

«Төрлө социаль мөхиттә йәшәгән күп кенә кешеләр миңә: «Эйе, спектаклгә мотлаҡ киләм», — тине. Был осраҡлы һүҙҙәр түгел. Сөнки был хәл-ваҡиға ваҡыт һынауын үтте. Төркиәлә «Йырсы ҡош» тигән яңы ҙур сериал төшөрөлөүенә ғәжәпләнергә ярамай, беҙҙең ил дә был сериалды һатып алды – ул федераль каналда күрһәтелде. Минеңсә, беҙ төрөк яҙыусыһы Решат Гюнтекинды сәхнәләштереп, изге эш башҡарабыҙ, үҙҙәренә ошо китапты асҡан быуын иҫән бит, беҙ уларға һәм уларҙың балаларына ихлас күңелдән спектакль бүләк итербеҙ. Меңдәрсә тамашасының берәүһе Гюнтекиндың романын уҡып сығырға теләк белдерһә, бурысыбыҙҙы үтәгәнбеҙҙер», — ти спектаклдең режиссеры Илдар Ғиләжев.

Әҙәбиәт-драма бүлеге етәксеһе Дамир Йосопов хәбәр итеүенсә, спектаклдә башҡорт турппаһының бөтә актерҙары тиерлек ҡатнаша. Спектаклдә актерҙар үҙҙәре йырлай. Төп ролдәрҙә — Лилиә Исҡужина һәм Башҡортостандың атҡаҙанған артисы Илнур Лоҡманов.

http://www.bashinform.ru/news/1416136-v-ufe-molodezhnyy-teatr-gotovit-premeru-muzykalnoy-dramy-korolek-ptichka-pevchaya/

Читайте нас:

© 2024 "ТАМАША" Республика мәҙәниәт һәм сәнғәт журналының сайты.
Сайт Республиканского журнала культуры и искусства "ТАМАША".
Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы.
Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".

Зарегистрирован Федеральной службой по надзору в сфере связи, информационных технологий и массовых коммуникаций 5 ноября 2015 года. Свидетельство о регистрации ПИ № ТУ02-01477

Телефон

(347)292-77-64

Электрон почта

[email protected]

Адресы

450079, Республика Башкортостан, г. Уфа, ул. 50-летия Октября, 13, каб. 612