Салауат драма театры ҡарамағындағы студияла «Ә таңдар бында тыныс» спектакле сәхнәләштерелде

Салауат башҡорт дәүләт драма театры ҡарамағындағы студияла «Ә таңдар бында тыныс» спектакленең премьераһы уҙҙы. Борис Васильевтың повесы буйынса ҡуйылған спектакль Бөйөк Ватан һуғышында Еңеүҙең 75 йыллығына бағышланды.

Ҡуйыусы режиссерҙар – театр актерҙары Рафаэль Ғәйнуллин һәм Рәмзиә Мәҡсүтова. Спектаклдә йәш артистар Дилара Ғәйнетдинова, Камила Сафиканова, Анна Пимонова, Анастасия Осогосток, Йәсмин Әйүпова һәм Глеб Лучшев уйнаны.

«Махсус белемдәре булмаһа ла, улар бик оҫта һәм күңелдәрен һалып уйнаны, тамашасыға геройҙары кисергән хис-тойғоларҙы күрһәтергә тырышты, — тип һөйләне Салауат театрының әҙәбиәт бүлеге мөдире Динә Бәширова. — Спектакль башҡа майҙансыҡтарҙа күрһәтеүгә лайыҡ. Студия етәксеһе Катрина Душанбаева киләсәктә «Ә таңдар бында тыныс» спектакле менән фестивалдәрҙә ҡатнашырға һәм уны тотош республикала күрһәтергә ниәтләй».

Салауат башҡорт дәүләт драма театры ҡарамағындағы төркөм 2018 йылдың ноябрендә ойошторолған. Студия уҡытыусыһы – театр артисы, З.Исмәғилев исемендәге Өфө дәүләт сәнғәт институтының режиссура бүлеге студенты Рафаэль Ғәйнуллин. Рафаэль ике спектаклде уңышлы сәхнәләштергән дә инде. Тәүгеһе — М. Бартеневтың пьесаһы буйынса «Бишкә тиклем һанайым...» балалар өсөн музыкаль әкиәт (2016), икенсеһе — В. Илюховтың «Күңелсәк Эльф» әкиәте (2018).

http://www.bashinform.ru/news/1412313-deti-iz-studii-pri-salavatskom-dramteatre-postavili-spektakl-a-zori-zdes-tikhie/

Читайте нас:

© 2024 "ТАМАША" Республика мәҙәниәт һәм сәнғәт журналының сайты.
Сайт Республиканского журнала культуры и искусства "ТАМАША".
Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы.
Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".

Зарегистрирован Федеральной службой по надзору в сфере связи, информационных технологий и массовых коммуникаций 5 ноября 2015 года. Свидетельство о регистрации ПИ № ТУ02-01477

Телефон

(347)292-77-64

Электрон почта

[email protected]

Адресы

450079, Республика Башкортостан, г. Уфа, ул. 50-летия Октября, 13, каб. 612