+2 °С
Ҡар
Бөтә яңылыҡтар
Новости
27 Ноябрь 2019, 11:21
Радий Хәбиров: Яңы йыл байрамдарында рөхсәтһеҙ хәмер һатыуға юл ҡуймаҫбыҙ
Башҡортостан етәксеһе Радий Хәбиров бөгөн «Һаулыҡ һаҡлау сәғәте»нең күсмә кәңәшмәһендә Яңы йыл байрамдарында республикала алкоголь һатыуҙы сикләү тәҡдиме тураһында иҫкә төшөрҙө. Әлеге ваҡытта закон проекты республика Дәүләт Йыйылышында ҡарала. Парламенттың һаулыҡ һаҡлау буйынса профилле комитеты рәйесе урынбаҫары Римма Үтәшева һүҙҙәренсә, закон проекты 28 ноябрҙә пленар ултырышта тәүге уҡыуҙа ҡаралырға тейеш.
Хәтерегеҙгә төшөрәбеҙ, проектҡа ярашлы, 3 ғинуарҙа хәмер һатыу бөтөнләй тыйыла, ә 4-6 ғинуарҙа урындағы ваҡыт буйынса иртәнге сәғәт 10-дан көндөҙгө 2-гә тиклем генә һатыла.
«Беҙ аңлы рәүештә ошо сараларға барабыҙ, йәмғиәттә беҙҙе хупларҙар тип ышанабыҙ, шул иҫәптән медицина берләшмәһе. Ә ҡатын-ҡыҙҙар, һис шикһеҙ, хуплар. Әлбиттә, ошо ҡарар өсөн беҙҙе тәнҡитләүселәр ҙә табылыр. Хәмер һатыуҙы сикләп, беҙ республикала йәшәүселәргә был көндәрҙе ғаилә менән бергә үткәрергә тәҡдим итәбеҙ. Башҡортостанда төрлө кимәлдәге саралар ойошторорбоҙ. Балалар ҙа, өлкәндәр ҙә байрамдарҙы бергә үткәрә алһын өсөн ғаилә уйындары уҙғарылыр. Әлбиттә, хоҡуҡ һаҡлау структуралары менән бергә ялған алкоголь һатырға маташҡан бутлегерҙарға ла һунар иғлан итербеҙ», — тине Радий Хәбиров.
Читайте нас:
© 2024 "ТАМАША" Республика мәҙәниәт һәм сәнғәт журналының сайты.
Сайт Республиканского журнала культуры и искусства "ТАМАША".
Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы.
Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Зарегистрирован Федеральной службой по надзору в сфере связи, информационных технологий и массовых коммуникаций 5 ноября 2015 года. Свидетельство о регистрации ПИ № ТУ02-01477
Телефон
(347)292-77-64
Электрон почта
Адресы
450079, Республика Башкортостан, г. Уфа, ул. 50-летия Октября, 13, каб. 612