-19 °С
Болотло
Бөтә яңылыҡтар
Новости
15 Июль 2019, 12:11
Дим районында яңы мәктәп асыласаҡ
Белем биреү комплексы «Республиканың 100 йыллығына - 100 объект» программаһы сиктәрендә төҙөлә. Мәғариф усағы мең балаға иҫәпләнгән. Проектҡа ярашлы, яңы мәктәптә белем алыу өсөн уңайлы шарттар ҡаралған.
Яңы мәктәп Дим районының "Яҡты" микрорайонында төҙөлә. Уға 2018 йылдың икенсе кварталында нигеҙ һалынған. Әле бында эш бер минутҡа ла тынмай.
Мәктәп биләмәһендә ҙур спорт майҙанысығы ла төҙөлә. Уға Республика етәксеһе Радий Хәбиров ҡушыуынса асфальт урынына резина япма түшәлә. Үҙенсәлекле яһалма балаҫ балалар өсөн хәүефһеҙерәк, тип билдәләй төҙөүселәр. Белем усағының дөйөм майҙаны 22 мең квадрат метр. Бында синыфтарҙан тыш спорт, тамаша залы, башланғыс кластар блогы буласаҡ. Төҙөлөш проектына инновация йүнәлештәре лә индерелгән - ул компьютер кластары, электрон китапхана, заманса ҡоралмалар менән йыһазландырылған интерактив белем биреү комплексы.
Артур Насыров, Башҡортостандың капиталь төҙөлөш идаралығы етәксеһе урынбаҫары: “Объекттың төҙөлөш эштәре тулыһынса алға бара. Шулай уҡ, биләмәләрҙе төҙөкләндереү, бинаның эсен биҙәкләү, тышҡы яғын буяу эштәре башҡарыла. Маҡсатыбыҙ ҡыҫҡа ваҡыт эсендә төҙөлөштө тамамлау”.
Белгестәр әйтеүенсә, дүрт ҡатлы объектта төҙөлөш эштәре графиктан алда бара. Мәктәп яңы уҡыу йылына уҡыусыларҙы ҡаршыларға әҙер булыр тип вәғәҙә итә төҙөүселәр.
Читайте нас:
© 2025 "ТАМАША" Республика мәҙәниәт һәм сәнғәт журналының сайты.
Сайт Республиканского журнала культуры и искусства "ТАМАША".
Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы.
Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Зарегистрирован Федеральной службой по надзору в сфере связи, информационных технологий и массовых коммуникаций 5 ноября 2015 года. Свидетельство о регистрации ПИ № ТУ02-01477
Телефон
(347)292-77-64
Электрон почта
Адресы
450079, Республика Башкортостан, г. Уфа, ул. 50-летия Октября, 13, каб. 612