+9 °С
Болотло
Бөтә яңылыҡтар

Өфөлә балалар Фольклориадаһын уҙғарыу тураһында ҡарар:

-

Өфөлә балалар Фольклориадаһын уҙғарыу тураһында ҡарар ноябрҙә ҡабул ителә

Республика халыҡ ижады үҙәге һәм CIOFF Өфөлә балалар Фольклориадаһын ойоштороу мөмкинлеге хаҡында һөйләшеүҙәр үткәрҙе. Республиканың мәҙәниәт министры Әминә Шафиҡова һүҙҙәренсә, Халыҡ-ара фольклор фестивалдәре һәм халыҡ ижады ойошмалары советы был мәсьәләне төрлө яҡтан уйлай.

«Балалар ҡатнашлығындағы халыҡ-ара сараны уҙғарыуға талаптарҙың юғары булыуына һәм ҡатмарлыҡтар килеп тыуыу ихтималлығына бәйле совет был ҡарарҙы ныҡлап уйлай. Аныҡ ҡарар ноябрҙә Будапешт ҡалаһында CIOFF  советында ҡабул ителә», — тине ведомство етәксеһе.

Хәтерегеҙгә төшөрәбеҙ, 3-10 июлдә Өфөлә алтынсы Бөтә донъя фольклориадаһы гөрләп уҙҙы, унда 37 илдән 1000-дән ашыу милли коллектив вәкиле ҡатнашты.

Бынан алда «Башинформ» Башҡортостан Башлығы Радий Хәбировтың  республикала балалар Фольклориадаһын ойоштороу тәҡдиме менән сығыш  яһауын хәбәр иткәйне.

 

https://www.bashinform.ru/news/1618185-reshenie-o-provedenii-detskoy-folkloriady-v-ufe-budet-prinyato-v-noyabre/

  

«Башинформ» мәғлүмәт агентлығы
 
Өфөлә балалар Фольклориадаһын уҙғарыу тураһында ҡарар:
Өфөлә балалар Фольклориадаһын уҙғарыу тураһында ҡарар:
Автор:
Читайте нас: