Айнур Асҡаровтан шәп тәҡдим

«Тыуған яҡ», «Әпипә», ҡурай моңо, ә республикаға ингән урында Башҡортостан гимны - автомобиль хәрәкәт иткәндә тәгәрмәстәр ошо көйҙәрҙе ҡабатлай. Ҡағиҙә булараҡ, бындай креатив урындарҙы видеоға төшөрәләр һәм социаль селтәргә һалалар. Өҫтәүенә, махсус һыҙаттар водителгә хәүефһеҙ тиҙлекте һаҡларға ярҙам итә.
Айнур Юлай улы М-12 трассаһындағы музыкаль юл һыҙатын миҫал итеп килтерә, әлеге ваҡытта был урында рус халыҡ йыры «Калинка» көйө ишетелә.

"Варианттар күп, иң мөһиме — милли колоритты һаҡлап ҡалыу. Минеңсә, Башҡортостанға килгән һәр кем өсөн был иҫтә ҡалырлыҡ яңылыҡ буласаҡ, онотолмаҫлыҡ хис-тойғолар ҡалдырасаҡ», — ти режиссер.