ӨФӨ ТЕАТРҘАРЫ ТАРИХЫНАН

Өфө халҡын театр сәнғәте менән тәүләп бында һөргөнгә ебәрелгән поляктар таныштыра. 1772 йылда улар өфөләргә үҙҙәре ҡуйған "Пан Бронислав" спектаклен күрһәтә. Ҡыҙыҡлы һәм һис бер көтөлмәгән театраль акт тамашасыларға көслө тәьҫир итә, һәм был провинциаль Өфөлә үҙешмәкәр театр хәрәкәтен башлап ебәреүгә нигеҙ була. Әммә ҡалала беренсе даими эшләүсе театр XIX быуат урталарында ғына барлыҡҡа килә.

1861 йылда Өфө губернаторы, талантлы яҙыусы Сергей Аксаковтың улы Григорий Аксаковтың ҡатыны Софья Александровна тырышлығы менән театр төҙөү өсөн етерлек аҡса туплана. Театрҙың ағас бинаһы ҡала үҙәгендә - Садовая (Матросов), Ильинская (Вәлиди), Телеграфная (Цюрупа), Воскресенская (Туҡай) урамдары арауығында урынлаша. Әммә ете йыл үтеүгә был театрҙа янғын сығып, бина янып бөтә. 1876 йылда ошо уҡ урында меценат Базилевский исемен йөрөткән ике ҡатлы яңы театр асыла.
Өфөлә ул саҡтағы иң билдәле театр заводчик, меценат Виденеев исеме менән атала. Ул хәҙерге Аксаков паркында төҙөлә, 1894 йылдан 1991 йылға тиклем эшләй. Уның сәхнәһендә бик күп күренекле сәнғәт әһелдәре, әҙәбиәт һәм фән белгестәре сығыш яһай. Мәҫәлән, СССР-ҙың буласаҡ халыҡ артисы Александра Яблочкина тап ошо сәхнәлә тамашасыларҙың күңелен яулай. Өфө театрҙарында сығыш яһаған Фёдор Шаляпин, замандашыбыҙ, күренекле балет артисы Рудольф Нуреев һуңынан барса донъя сәхнәләрендә танылыу таба.

"Киске Өфө" гәзите, №15, 2024 йыл

https://kiskeufa.ru/index.php?dn=news&to=art&id=6662

Автор:

Читайте нас

Партнеры

Фотобанк журналистов РБ

Рубрика "Еда и напитки"

Рубрика "Животные"

© 2026 "ТАМАША" Республика мәҙәниәт һәм сәнғәт журналының сайты.
Сайт Республиканского журнала культуры и искусства "ТАМАША".
Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; "Республика Башкортостан" нәшриәт йорто акционерҙар йәмғиәте.
Учредители: Агентство по печати и средствам массовой информации Республики Башкортостан; Акционерное общество Издательский дом «Республика Башкортостан»

Об использовании персональных данных

Зарегистрирован Федеральной службой по надзору в сфере связи, информационных технологий и массовых коммуникаций 5 ноября 2015 года. Свидетельство о регистрации ПИ № ТУ02-01477

Телефон

(347)292-77-64

Эл. почта

tamasha03@ya.ru

Адрес

450079, Республика Башкортостан, г. Уфа, ул. 50-летия Октября, 13, каб. 612