Генерал Т. Кусимов белдереүенсә, дивизия һалдаттары уны “йырҙар маршалы” тип атай.
1943 йылда ғына фронт бригадалары һалдаттар өсөн 300 концерт бирә. Фронтта улар планлаштырған бер ай урынына дүрт ай йөрөп ҡайта.
Изге яуға һәр кем үҙ ҡоралы менән күтәрелә. Кемдер көндө төнгә, төндө көнгә ялғап, тылда тир түгә, кемдер ҡулына ҡорал алып, фашист илбаҫарҙарын дөмбәҫләй. Әммә ҡайһы фронтта ғына булмаһындар, уларҙы һәр саҡ халыҡ моңо, халыҡ рухы оҙатып йөрөй, илһамландыра, ҡанатландыра, рухландыра, һынырға, бөгөлөргә ирек бирмәй. Хатта ялҡынлы телмәрҙәр, оҙон-оҙаҡ ялҡытҡыс өгөт-нәсихәттәргә ҡарағанда ла нығыраҡ тәьҫир яһай сәнғәт өлгөләре. Сөнки йөрәктән сыҡҡан ғына йөрәккә етә. Шуға йыл һайын Бөйөк Еңеүҙең сираттағы йыллығын билдәләгәндә, батырҙарҙы, тыл хеҙмәтсәндәре менән бер рәттән, сәнғәт йондоҙҙарын да иҫкә алғанда, ҡаһарманлыҡтың ябай өлгөһө булған оло йөрәкле йырсы Хәбир Ғәлимовты ла хәтерләйек. Үҙе кеүек шым ғына, баҫалҡа ғына итеп булһа ла...
Зәйтүнә Әйле.