Был матур малайҙы кем таный?

Бала саҡ – кешелек донъяһының иң саф, иң ихлас сағы. Ҡанатһыҙ ҙа зәпзәңгәр күктәргә күтәрелеп, апаҡ болоттар араһында батасума йәшенмәк уйнап, ураҡ айҙың ситенә тотоноп тороп, ҡапыл диңгеҙҙәр аша ырғып сыға торған саҡ. Минең бала сағым да тап ошолай үтте. Әлбиттә, гел генә осоп йөрөргә тура килмәне. Тормош әсеһен дә татыта килде. Тик әле уларын хәтергә алғым килмәй.Был ғәжәйеп донъя менән танышыу миндә һәр саҡ ниндәйҙер елкенеү, осоу тойғоһо уята ине.Яҙ көндәре яңы ғына баш ҡалҡытҡан йәшел үлән өҫтөндәге, ҡояшта емелдәп ятҡан таҙа ҡар һыуына, йә булмаһа матур сағыу биҙәктәр менән биҙәлгән ҡалай сәй һауытына (ул минең “гармун”ым), бик ҡәҙерле булған төҫлө ҡәләмдәремә һәм башҡа шундай матурлыҡҡа ҡарап, мине ниндәйҙер аңлата алмаҫлыҡ тойғо биләп ала һәм мин йыш ҡына икенсе тылсымлы донъяға осоп китә инем.Хәтеремдә, бер мәл оҙаҡ ҡына дауаханала яттым. Дауамы сайтта:

Ҡайтыуыма миңә шундай матур, зәпзәңгәр сандали алып ҡуйғайнылар, уны ал ойоҡ менән кейҙереп ебәргәс, мин йәмйәшел бәпкә үләне өҫтөнән сығып саптым. Туйғансы саптым. Тәбиғәттең төҫтәренә, тауыштарына миҙгелдәренә битараф түгеллегемде, Өфөлә рәссамлыҡҡа уҡыған саҡтарымда, аҙаҡ ҡына, саҡ төшөнә башланым.

Яҙғы ташҡындан һуң ҡалған ҡамыш төбөндәге аҡ ондо ашап, йыуа, ҡуҙғалаҡ, ҡуян тубырсығы йыйып, бура һуғып, бәке уйнап, тәбиғәт менән бер булып көн күрә инек.

Бик алыҫ ҡалды ул саҡтар. Көндәре лә ҡояшлы, буяуҙары ла сағыу, көйҙәре лә ныҡ моңло булған бала сағым…

Ҡанатһыҙ ҙа зәпзәңгәр күктәргә осорҙо, апаҡ болоттар араһында, көләкөлә, йәшенмәк уйнатты ул. Бер илатып, бер йыуатып, ми не киләсәгемә оҙатты. Әле лә күңелемдең мөғжизәләргә ышанғыһы, зәпзәңгәр сандали кейеп, йәшел үләндән бер туҡтауһыҙ сапҡыһы килә. Бөтөн кеше лә шулайҙыр инде…

Илдар Ибраһим улы Ғүмәров. Рәсәй Театр эшмәкәрҙәре союзы ағзаһы, Башҡортостандың халыҡ артисы, Мәжит Ғафури исемендәге Башҡорт академия драма театры актеры.

Читайте нас: