"Мөғлөй". Башҡорт халыҡ уйыны.

Уйнаусылар һаны күпме булһа ла ярай. Һәр яғы берәр метр шаҡмаҡ һыҙыҡ һыҙалар. 1 м самаһы һуғыу таяғы һәм 20 см мөғлөй таяғы була. Таяҡ ярҙамында шыбаға тоталар. Башҡа сыҡҡан уйын сы беренсе булып һуға, икенсеһе икенсе булып һәм артабан. Иң аҙаҡҡа ҡалған - «көтөүсе» була. Осоп киткән мөғлөй таяғын кире урынына һыҙыҡ уртаһына килтереп ҡуя. Уйын башланыр алдынан нисәгә тиклем уйнаясаҡтарын килешәләр. Әйтәйек, 30-ға тиклем. Бер һуғыу өскә хисапланып, һәр уйнаусы унар мәртәбә һуғырға тейеш була. Һәр уйнаусы үҙ сираты менән һуға. Һуғыусы һуҡҡанда мөғлөй таяғына тигеҙә алмаһа, уның 3 очкоға (мәрәй — Х.Г.) башҡаларҙан кәм була. Очколарын 30-ға тултырғандар, ситтә ултырып торалар (оҫта уйнаусылар). Иң аҙаҡҡа ҡалған, артабан «көтөүсе» була. Мөғлөй таяғын осороп ебәргәс көтөүсе: — Мөғлөй-й-й-й — тип, һыҙыҡтан китә лә, һыҙыҡҡа тиклем тын алмай, мөғлөйҙө килтерә.

Башҡорт халыҡ уйындары. — Өфө: Ғилем, 2006. Г.Р. Хөсәйенова