Ғүмер буйы башҡорт мәҙәниәтен данлаған БАССР-ҙың халыҡ, РСФСР-ҙың атҡаҙанған рәссамы, Ғ. Сәләм исемендәге премия лауреаты Федор Александрович Кащеев халыҡсан ижады менән билдәлелек яулаған Асҡын улы. Башҡорт этникаһын һүрәтләгән картиналары тағы бер атаҡлы ҡылҡәләм эйәһе Әхмәт Лотфуллиндың ижады менән үтә лә ауаздаш. Федор Кащеевтың ҡулынан тамған йәнле картиналар донъяһы – ҡабатланмаҫ мөғжизә ул.