«22.02.2022» - һандар комбинацияһы ике яҡтан да бер тигеҙ уҡыла һәм дата-палиндром тип атала.

Көҙгөлө  даталар - теләктәр теләү, идеяларҙы һәм яңы башланғыстарҙы тормошҡа ашырыу өсөн уңайлы көндәр, ә уларҙың энергетикаһы шәхси үҫешкә булышлыҡ итә. 

Астрологтар әйтеүенсә, 22 февраль - йылдың энергетик яҡтан иң ҡеүәтле көнө. Эш шунда: алты ике һанынан тыш, 22 февралдә тағы ике үҙенсәлеге бар: 

* 02.2022 - астрологик календарь буйынса 22-се ай тәүлеге;

* 22 февраль шишәмбе, йәғни аҙнаның икенсе көнөнә тура килә. 

Тимәк, был үҙенсәлекле көн икелеләргә генә тулыһынса бәйле була. Нумерологияла ике  гармонияны, мөхәббәтте, дуҫлыҡты, союзды һәм хеҙмәттәшлекте символлаштыра. Алты һанлы комбинат яңы таныштар һәм эшлекле бәйләнештәр булдырыуҙа булышлыҡ итә ала. Шулай уҡ был көндө яҡындарың менән ваҡыт үткәреү ҙә файҙалы.

Йәнә икелелек алтын урталыҡты, хәрәкәтте, энергияны һәм теләкте сағылдыра.

Шуға күрә 22 февралдә теләктәрегеҙҙе яңғыратып, ваҡыт табып, уларҙы хәрәкәт менән берләштереү яҡшы булыр ине. Ләкин шуны иҫтә тотоғоҙ: бөтә уй - ниәттәр изге һәм таҙа булһа, Ғаләм пландарға булышлыҡ итә.

Шулай итеп, 22 февралдә нимә эшләргә ярай:

*Көҙгөлө даталар яңы мөнәсәбәттәр башлау өсөн, бергә йәшәү, туй, ҡул һәм йөрәк тәҡдимдәре эшләү өсөн уңайлы ваҡыт булып иҫәпләнә. 

*Бизнесты башлау өсөн бик яҡшы көн.

*Был күсеп китеү һәм тормоштағы киҫкен үҙгәрештәргә йүнәлтелгән һәр эште башҡарыу өсөн уңышлы көн.

*Шулай уҡ үҙ өҫтөгөҙҙә эшләү, мәҫәлән, медитация, йәки маҡсаттарығыҙҙы билдәләү һәм шәхси үҫешегеҙ өсөн ҡаршылыҡтарҙы асыҡлау файҙалы. Ғаләм һеҙгә был көндө ҡайҙа йүнәлергә кәрәклеген күрһәтәсәк.

*Үҙебеҙ өсөн ниндәйҙер ҡыуаныслы нәмә эшләү: спорт залына, киноға йәки матурлыҡ салонына барыу.

*Был көндө үҙең һәм тирә-йүндәгеләр менән гармонияла, дуҫлыҡ һәм үҙ-ара аңлашыу мөхитендә үткәреү мөһим.

*Күптән низағта булған йәки осраҡлы рәүештә бәйләнешен юғалтҡан ҡәрҙәштәр менән мөнәсәбәттәрегеҙҙе яйға һалырға тырышығыҙ.

*Киләһе айға мөһим эштәр исемлеген йәки хатта бер йылға план төҙөргә мөмкин һәм ул мотлаҡ тормошҡа ашасаҡ!

22 февралдә түбәндәгеләрҙе эшләргә ярамай:

*һағышланырға,

*тауышты арттырып, ҡысҡырырға,

*низағҡа инеү,

*көнләшергә,

*көнләшергә,

*берәйһенә яуызлыҡ теләү.

Тап ошо көндө һеҙҙең һүҙҙәрегеҙ, тәьҫораттарығыҙ һәм ҡылыҡтарығыҙ, көҙгө кеүек, һеҙгә һәм яҡындарығыҙға кире ҡайтасаҡ. Шунлыҡтан, ҡайғы - хәсрәт, көнсөллөк, ярһыу һәм башҡа хистәр, һәр төрлө насар уйҙар, һүҙҙәр һәм хис - тойғолар емергес йоғонто яһай ала.

     Анжела ЛЮДЫНО, https://1prof.by/