-6 °С
Болотло
75 лет Победы
Бөтә яңылыҡтар
Йәмғиәт
11 Декабрь 2018, 16:07

"Тамаша" журналынан 2019 йылға Йондоҙнамә

2019 йылға Йондоҙнамә
Донъяла байтаҡ кеше бары тик бөгөнгө көн менән генә йәшәй,алда нимә көткәнен уйлап та бирмәй. Ә бит төҙөлгән пландарыбыҙ тормошҡа ашһын өсөн киләсәгебеҙ менән дә ҡыҙыҡһынырға тейешбеҙ.
Шулай итеп, беҙ 2019 йылға аяҡ баҫабыҙ. Киләһе йылға йондоҙҙар нимә генә юраһа ла, бары тик шатлыҡ, именлек, бәхет алып килһен! Тормош юлығыҙҙа ҡыуаныслы осрашыуҙар, бәхетле йылмайыуҙар, шатлыҡлы миҙгелдәр күп булһын! Яңы йыл барығыҙға ла сәләмәтлек, ғаилә именлеге килтерһен!
Ҡуҙы
Ҡуҙыларға үҙ көстәренә генә ышанырға кәрәк, сөнки 2019 йылда уларғахакимлыҡ итеүсе Марс планетаһы ярҙамынан башҡа йөрөргә тура киләсәк. Хәйер, был ныҡыш һәм энергиялы Ҡуҙыларға туҡталып ҡалырға тигән һүҙ түгел. Был шәхестәр тормош юлында осраған күңелһеҙлектәргә ҡаршы торасаҡ.Эш һөйөүсәнҠуҙылар йыл башында уҡ юғарыраҡ дәрәжәгә үрләүе лә мөмкин.
Буға
2019 йыл Буғалар өсөн һөҙөмтәле һәм иҫтәлекле ваҡыт буласаҡ. Ҡабан йылы уларға теләктәренең барыһын да үтәү мөмкинлеген бүләк итәсәк. Үҙ тормошонда ла, әйләнә-тирә мөхиттә лә үҙгәрештәр булыр. Ижади эш менән шөғөлләнгән Буғаларҙы уңышлы мәл көтә. Бары тик ялҡауланмаҫҡа, үҙ һәләттәре өҫтөндә эшләргә генә кәрәк.
Игеҙәктәр
2019 йыл - Игеҙәктәрҙең тормошонда һуңғы бер нисә йыл эсендә иң тыныс осорҙарҙың береһе. Ниһәйәт, был шәхестәрҙең үҙ эше менәншөғөлләнергә, тормош өҫтөнлөктәрен билдәләргә һәм карьераның баҫҡыстары буйлап тыныс ҡына менергә ваҡыты буласаҡ. Ваҡиғаларҙы ашыҡтырмаҫҡа кәңәш ителә, сөнки киләсәктә күп кенә эштәр көтә, улар өсөн көстө һаҡлап ҡалыу мөһим.
Ҡыҫала
2019 йыл башы Ҡыҫалаларҙың мөнәсәбәттәр планында бик яҡшы буласаҡ.Уларға ҡыш башында уҡ үҙҙәренең икенсе яртыһын табыу мөмкинлеге бар. Был мөнәсәбәттәр оҙайлы һәм ныҡлы союзға әүерелергә мөмкин, сөнки Ҡабан йылы наҙлы хистәрҙе тағы ла яҡшыраҡ нығытасаҡ. Хәйер, оҙайлы һәм етди мөнәсәбәттәр булдырыу Ҡыҫалаларҙың үҙҙәренән тора.
Арыҫлан
2019 йылда был йондоҙ аҫтында тыуғандарға тормоштарын яҡшы яҡҡа үҙгәртеү мөмкинлеге барлыҡҡа килә. Улар нимәлер тураһында хыялланһалар, иң яҡшы теләктәрҙе тормошҡа ашырыу өсөн бына тигән мәл етә. Арыҫланға йыл башында уҡ үҙен борсоған һәм киләсәктә уға ынтыласа ҡэш планын төҙөргә тырышырға кәрәк. Ә һуңынан был маҡсаттарға ирешеү өсөн әкренләп үҙ көстәрен арттырыу мөһим.
Ҡыҙ
2019 йылда Ҡыҙҙарға үҙ хыялдарын һәм маҡсаттарын тулыһынса ҡайтанан ҡарап сығып,үҙ тормоштарына баһа биреп, барлыҡ тиҫкәре һәм ыңғай яҡтарын бөтөнләй башҡа күҙ менән ҡарау мөмкинлеге бар. Йыл башында был билдә аҫтында тыуғандарҙың күбеһе үҙҙәрен ышанысһыҙ һәм кәйефһеҙ тойоуҙары бар. Әгәр ошо симптомдар күренә башлаһа, унан ҡурҡырға кәрәкмәй – был үҙгәрештәргә беренсе аҙым!
Үлсәү
2019 йылда Үлсәүҙәрҙең хис-тойғолары ташып торасаҡ. Уларҙың позитив энергияһы барыһын да таң ҡалдырыр. Был билдә аҫтында тыуыусылар Ҡабан йылында һүҙгә маһир булыуҙары менән айырылып торор. Улар бик төплө һәм аҡыллы кәңәштәр бирә аласаҡ. Йыл башы улар өсөн романтик мажаралар менән башлана.
Саян
2019 йыл Саяндар өсөн бар яҡтан да тотороҡло буласаҡ. Йыл башында уларға үҙҙәренең профессиональ эшмәкәрлегенә бик иғтибарлы булырға кәрәк. Бигерәк тә үҙ-үҙҙәренә эшләгән кешеләргә ҡағыла. Әгәр дөрөҫ йүнәлештә эшләһәләр, тиҙҙән эшҡыуарлыҡтары юғары уңыштарға өлгәшер.
Уҡсы
Ғаиләле Уҡсылар өсөн Ҡабан йылы тыныс, гармониялы тормош вәғәҙә итә. Яңғыҙаҡтар иһә үҙ яртыһын табыр. Күптәр ял иткәндә, Уҡсылар баштан-аяҡ эшкә сумасаҡ. Әммә эш тип, сәләмәтлек тураһында ла оноторға ярамай. Хроник ауырыуҙар, һыуыҡ тейеүҙәр һәр аҙымда һағалап торасаҡ. Эшһеҙлектән интеккәндәр өсөн яңы мөмкинлектәр асыла.
Кәзәмөгөҙ
Был йондоҙ аҫтында тыуыусылар яуларға теләгән үрҙәрҙең барыһына ла ирешәсәк. Көс-энергияның ташып тороуы эштәрендә һоҡландырғыс һөҙөмтәләргә килтерер. Ҡабан йылы мөһим ваҡиғаларға бай булмаҡсы. Ҙур тәжрибә туплап, күңелдәренә ятмаған күп нәмәләрҙе үҙгәртә алыу мөмкинлеге тыуыр. Тик нисек кенә булмаһын, сәләмәтлекте иғтибарҙан ситтә ҡалдырмаҫка тырышырға кәрәк.
Һыуғояр
Һыуғоярҙарҙың эштәре йыл башында еңел барасаҡ. Әм­мә яҙға табан барыһы ла ҡатмарланып, өҫтәренә бурыстар өйөлөр. Элекке тәжрибә ошо осорҙа бик ярап ҡаласаҡ. Тәжрибәле таныш­тарының көтөл­мәгән яр­ҙамы ла урынлы булыр. Матди яҡтан яҡшы осор, кеҫә­ләре бермә-бер ҡалынаясаҡ. Күптән хыялланған әй­берҙәр һатып алыу мөмкинлеге барлыҡҡа киләсәк.
Балыҡ
2019 йылда Балыҡтарға һәр бер аҙымдарын уйлап эш итергә кәңәш ителә. Карьера яһау мөмкинлеге ҙур. Тик еңел юлдарға иҫәп тотмаҫҡа кәрәк. Ҡайһы берәүҙәр, ниһәйәт, үҙҙәренең эшен асыуға өлгәшәсәк. Төрлө яҡтан аҡса эшләү мөмкинлектәре лә күп буласаҡ. Ҡабан йылында тик яҡшы хәбәрҙәр, мөһим осрашыуҙар, ҙур уңышҡа ирешеүҙәр көтә.
Читайте нас в