+17 °С
Облачно
Мәҙәниәт һәм сәнғәт
16 Июля , 09:27
Бик әүҙем, нәзәкәтле, сибәр актриса ул - Зиләрә ЮЛТАЕВА
Халыҡта уның кеүектәрҙе, ут бөрсәһе, тип йөрөтәләр. Әле генә киноға төшөп йөрөй, бер ҡараһаң, театрҙа матур геройҙары менән һоҡландыра. Стәрлетамаҡ театрының популяр телевизион проекты - "Күңелле йәшәйбеҙ"ҙең халыҡсан юморға ҡоролған сюжеттарын яҙыуға ла уның "ҡулы" тейеп өлгөрә. Башҡорт йәмәғәтселегендә булған һәр ваҡиғаға үҙенең нигеҙле фекере бар. Шулай ҙа, театрҙа һәм кинола берҙәй әүҙем эшләгән актриса булараҡ, уларҙың ҡайһыһы күңеленә яҡыныраҡ икән?
Бик әүҙем, нәзәкәтле, сибәр актриса ул - Зиләрә ЮЛТАЕВА
Зиләрә ЮЛТАЕВА:
- Кино ла, театр ҙа икеһе лә яҡын, ике лә оҡшай, ике йүнәлеш тә мауыҡтырғыс. Үҙен артабан үҫтерергә, камиллашырға теләгән актер унда ла, бында ла өлгөрөргә тейештер. Беренсе төшкән фильмым "Сәк-сәк" ине. Уға төшкән ваҡытта ирем - кинорежиссер Руслан Юлтаев менән таныштыҡ та инде. Һуңынан, өйләнешкәс, уның менән "Күңелле йәшәйбеҙ" телепроектын уйлап таптыҡ, унда ла һирәкләп булһа ла төшә инем. Артабан "Бәхет ҡошо" һәм "Сируси" сериалдарында ла ролдәр башҡарҙым. "Өс хат"та Хазинаны уйнаным...
Зиләрә Валерий ҡыҙы Әбйәлил районы Рысҡужа ауылында тыуған. 2007 йылда З.Исмәғилев исемендәге Өфө дәүләт сәнғәт академияһын тамамлай. 2007-2019 йылдарҙа Стәрлетамаҡ дәүләт башҡорт драма театрында эшләй. 2019 йылда Мәжит Ғафури исемендәге Башҡорт академия драма театры труппаһына ҡабул ителә.
Бик әүҙем, нәзәкәтле, сибәр актриса ул - Зиләрә ЮЛТАЕВА
