Илнат Фәрхуллин

Илнат биш балалы ғаиләлә (барыһы ла малайҙар) дүртенсе бала булып тыуған. Илнатка 5 йәш ваҡытта ата-әсәһе айырылышҡан, 1999 йылда әсәһе икенсе тапҡыр кейәүгә сыҡҡан һәм тағын бер ул тапҡан. Илнат үгәй атаһын атай тип атаған, һәм улар бер-береһе менән бик яҡшы мөнәсәбәттә булған. Үҙ атаһы ла (Илнат етенсе синыфта уҡығанда аварияға осрап һәләк булған), үгәй атаһы ла вафаттар.

Тыуған ауылында мәктәп булмау сәбәпле, Теләсе районы Иҫке Йөрөй ауылында интернатта йәшәп уҡыған, өйөнә ял көндәрендә генә ҡайтҡан. Уҡыу ваҡытында мәктәп концерттарында йырлаған, төрлө конкурстарҙа ҡатнашҡан. Йырлауҙан тыш, көрәш секцияһына йөрөп алған.

2007 йылда мәктәпте тамамлап, Ҡаҙан мәҙәниәт һәм сәнғәт университетының фольклор бүлегенә уҡырға кергән (беренсе йыл уҡыу түләүле булған, һуңынан бюджетҡа күсә алған).

2009 йылда Айҙар Фәйҙрәхманов етәкселегендәге дәүләт фольклор ансамбленә ҡабул ителгән. Уҡығанда уҡ ансамблдә эшләргә хыялланған була, әммә ансамблдә буш урындар булмай. Көн һайын филармонияға ансамбль репетицияларын ҡарарға килеп йөрөй. Ай ярымдан һуң көтмәгәндә коллективтан бер артист китә, А. Фәйҙрәхманов, бөтә программаны өйрәнһен өсөн, егеткә әҙерләнергә ун көн ваҡыт биргән. Илнат Фәрхуллин ансамблдең юбилей концерты алдынан коллективҡа ҡабул ителгән. Биш йылға яҡын ансамблдә йырлай ғына түгел, бейегән дә.

Айҙар Фәйҙрәхманов коллективында эшләгәндә, уны «Ҡаҙан егеттәре» төркөмөнә саҡыралар. Фольклор ансамбленән эстрадаға күскән. Коллективтан китһә лә, уның ижадында халыҡсанлыҡ һаҡланып ҡалған, ул уның фишкаһына әйләнгән. Ете йыл «Ҡаҙан егеттәре» төркөмөндә сығыш яһаған. «Ҡаҙан егеттәре»нең яңы дәүере Айҙар Әғләмов, Илнат Фәрхуллин һәм Фәнил Фәйҙуллин менән башлана. Һуңыраҡ уларға Айнур Латыпов та (баянсы) ҡушыла. Ләкин әлеге состав 2020 йылда коронавирус пандемияһы арҡаһында тарҡала. Пандемия осоронда И. Фәрхуллин бөтөн ваҡытын студияла үткәрә. Ул 18 йыр яҙған һәм 6 клип төшөргән. Йырсы алға табан үҫергә ҡарар ҡылған һәм коллективтан киткән. Артистың үҙ төркөмө барлыҡҡа килгән.

Илнат тәүге тапҡыр 21 йәшендә өйләнә. Беренсе никахтан ике балаһы бар – ҡыҙы Диана һәм улы Тамерлан.

Быйыл 3 ғинуарҙа Илнаттың тормошонда ҡыуаныслы ваҡиға була: Регина исемле ҡыҙ менән сәстәрен сәскә бәйләйҙәр.

Регина Гәрәева Башҡортостандың Дүртөйлө районынан. 15 йыл Фәйҙи Ғәскәров исемендәге Дәүләт халыҡ бейеүҙәре ансамблендә бейегән. Башҡортостандың атҡаҙанған артисы. Бөгөн Илнаттың төркөмөндә бейей.

Илнат Фәрхуллин бала сағы хәтирәләре менән уртаҡлаша.

Илнаттың бала сағы еңел үтмәгән икән...

– Өсөнсө кластан колхозда эшләнек, көтөү көттөк, комбайнда йөрөнөк. Ағайҙар фермала һыйыр ҙа һауҙы. Миңә 5 йәш булғанда, атай менән әсәй айырылышты. Атай икенсе ҡатынға өйләнде, улар бер ни ҡәҙәр ваҡыт күрше йортта йәшәне. Ул ҡатындың минең менән бер йәштә балаһы бар ине. Яңлышмаһам, исеме Рөстәм шикелле. Минең уны хәҙер күрәһем килә. Ул беҙҙә үҫте, әсәй уны ашата, йыуындыра ине. Беҙҙә ҡунып ҡалған саҡтары ла булды. Әсәй шундай киң күңелле кеше, ни ҡәҙәр генә ауыр булһа ла, бер ҡайсан да бер кемгә һиҙҙермәне.
Етенсе класта уҡығанда, атай аварияға осорап һәләк булды. Ул ваҡытта кеҫә телефондары һирәк ине әле, әммә миндә бар ине. Йыш булмаһа ла, атай менән шул телефон аша һөйләшеп торҙоҡ. Һуңғы тапҡыр шылтыратҡан кешеһе мин булғанмын. Ә минең “Йондоҙлоҡ” фестиваленән ҡайтып килеүем ине, юлда телефоным тотмаған. Шул шылтыратыуҙан һуң, 20 минут уҙғас, атай вафат булған.

Фото: https://stories-of-success.ru/iskusstvo/ilnata-farhullina сайтынан.