Бер мөхәббәт тарихы

– Азат Сабирович беҙҙең күрше ауылдан. Бер юлдарҙан йөрөгәнбеҙ, уртаҡ таныштарыбыҙ булған, тик бер ҙә осрашмағанбыҙ. Шуныһы ҡыҙыҡ: Өфөлә институтта уҡып йөрөгәндә Фәрит ағай Бикбулатов Сибайҙа уҙасаҡ концертында сығыш яһарға саҡырҙы. “Һине бер егет машинала алып бара”, – тине. Был егет менән юл буйы һөйләштек, хушлашҡанда аудиокассетамды бүләк иттем. Осраҡлы ғына танышыуыбыҙ ғаилә усағына әүерелде. Мин матурлыҡ һәм ижад донъяһында хисләнеп йәшәһәм, иремә эше буйынса тормоштоң ҡараңғы яҡтары менән осрашырға тура килә. Шулай ҙа ул сәнғәт менән ҡыҙыҡһына, ижадымды хөрмәт итә, – тине йырсы.

Гөлсөм Вәлиулла ҡыҙы менән Азат Сабир улы бер ул һәм бер ҡыҙ үҫтерә. Искәндәр Мәскәү политехник университетында программист һөнәренә уҡый, Айсель – 6-сы класс уҡыусыһы.