Октябрьский ҡалаһында берҙән бер профессиональ ҡурайсы ҡурай менән дуҫлыҡ серҙәрен асты

Айрат Шәймөхәмәтов - ҡалала берҙән-бер профессиональ ҡурайсы. Шулай уҡ ул ҡумыҙҙа уйнай.

Ул 1-се балалар сәнғәт мәктәбендә һәм Милли мәҙәниәттәр үҙәгендә уҡытыусы булып эшләй.

Ҡала сараларында сығыш яһай, республика ижади конкурстарында ҡатнаша.

Айрат 30-ға яҡын ҡурайсы әҙерләгән. Хәҙер 25 йәш музыкантты уҡыта.

Мәктәп йылдарында уҡ ул халыҡ музыка ҡоралында уйнарға өйрәнә, ижади конкурстарҙа ҡатнаша һәм бер нисә тапҡыр лауреат исемен ала.

Ҡурайҙа уйнау еңелме?

— Был еңел булмаған инструмент, - тип уртаҡлаша Айрат Замин улы. - Уны үҙләштереү өсөн ваҡыт кәрәк, һәм, әлбиттә, күп көс талап ителә.

Ҡурайҙы үҙләштерә башлау өсөн идеаль ваҡыт - 10 йәш, был ваҡытҡа балаларҙың тештәре формалашҡан була, был ҡурайсы өсөн иң мөһим шарт тип һанала. Ете йыл тырышып уҡығанда, кәрәкле һөҙөмтәгә өлгәшергә — яҡшы башҡарыусы булырға мөмкин.

Ҡурай -  бай тарихлы инструмент. Ә һәр көй үҙ легендаһы менән бәйле. Ҡурай бөтә тойғоларҙы ла сағылдыра ала.

— Минең яратҡан көйөм —  «Сыңрау торна» , - ти Айрат Шәймөхәмәтов. – Был көйҙә өмөт һәм яҡтылыҡ биреүсе үҙенсәлекле көс бар.

https://okt-neft.ru/news/gorod-v-litsakh/2024-02-09/edinstvenhttps://etegen.ru/articles/sobytiya-i-fakty/2024-02-12/oktyabrskiy-ala-ynda-ber-n-ber-professional-uraysy-uray-men-n-du-ly-ser-ren-asty-3639956nyy-professionalnyy-kuraist-v-oktyabrskom-raskryl-sekrety-druzhby-s-kuraem-3637299