-14 °С
Ҡар
75 лет Победы
Бөтә яңылыҡтар

Башҡортостан Республикаһының атҡаҙанған сәнғәт эшмәкәре, Шәйехзада Бабич исемендәге йәштәр дәүләт премияһы лауреаты Юлай Үҙәнбаев:

– Йәш саҡтарҙа концерт менән гастролдәрҙә йөрөгән мәлдәрҙе һағынам. Йәшлек дәрте, алабарманлыҡ, йыр-моңға һыуһаған ауыл халҡына хеҙмәт итергә ташып торған теләк шул тиклем ҙур. Һәм беҙ, сәнғәт институты студенттары, ике уйлап тормай, райондар буйлап гастролгә сығып та китәбеҙ.Ҡыш ат санаһы, йәй шунда берәй «Запорожец» табыла ине беҙҙе йөрөтөргә. (Дауамы - иң ҡыҙығы сайтта)

Афиша яҙып өлгөрмәгән саҡтарҙа машинаның башына «Гармония» колонкаһын һалып алабыҙ, динамик ҡуйып, ауылға ингәс ҡысҡыртып халыҡты йыя инек. Йыр-моңға һыуһаған халыҡ «һә» тигәнсә йыйылыр ине. Күп ваҡыт бергә уҡыған талантлы йәш дуҫтар – Харис Шәрипов, Венер Камалов, Йәмил Әбделмәнов, Хима Йәнбирҙина, Резеда Әминева бергәләп концерт ойоштора инек. Улар йырлай, бейей, мин баянда, ҡурайҙа уйнайым. Харис оҫта итеп концертты алып бара, төрлө ҡыҙыҡтар һөйләп халыҡты көлдөрә. Рәсүл Ҡарабулатов та беҙҙең менән сығып, ҡурайҙа уйнаны. Хима матур йырлауҙан тыш, оҫта бейей торғайны.
Миләүшә ҠЫҘРАСОВА
Читайте нас в