НӘРКӘС СИРАЖЕТДИНОВАНЫҢ

серле төшө

Мин йыр-моңға ғашиҡмын. Ғөмүмән, бала саҡтан йырланым, бейенем, музыка мәктәбенә лә йөрөнөм. Бәләкәй саҡта күптәр йыр-бейеү менән мауыға, шуға яҡындарым минең был шөғөлөмдө ваҡытлыса ғына тип ҡараны. Бер тапҡыр ауыл халҡы алдында сығыш яһағас, барыһы ла хайран ҡалғайны!

Мәктәптә юғары синыфта уҡығанда бер ваҡыт төш күрҙем: “Ант” төркөмөнөң ағзалары Алмас ағай, Рәмил менән һөйләшеп ултырам икән. Аҙаҡ әңгәмә аҙағында Рәмил миңә:

- Һин, ҡыҙыҡай, яйлап йөрөмә, тиҙерәк бул! Беҙ һине көтәбеҙ! – ти икән. Мин уянып киттем дә, был ниндәйҙер билдә, Рәмил бушҡа ғына улай әйтмәне бит, тип уйланым.

Атайым мин бәләкәй саҡта уҡ был донъянан китеп барҙы инде. Йырсы булам тигәнемә әсәй әҙерәк ҡаршы ине. Бер ваҡыт күрше ауылға “Дәрүишхан” төркөмө концерт менән килгәйне. Сара тышта һәм төнө буйына үткәреүгә иҫәпләнгән. Мин дә, әлбиттә, ситтә ҡалманым, концертты аҙағына тиклем ҡараным. Ҡайтҡас, әсәйемдән ныҡ әрләндем. Асыуынан “Сығып кит “Дәрүиш”тәреңә!” тип әйткәйне. Шуныһы ҡыҙыҡ: минең тәүге гастролем шул төркөм менән бергә булды!

Читайте нас:

© 2024 "ТАМАША" Республика мәҙәниәт һәм сәнғәт журналының сайты.
Сайт Республиканского журнала культуры и искусства "ТАМАША".
Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы.
Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".

Зарегистрирован Федеральной службой по надзору в сфере связи, информационных технологий и массовых коммуникаций 5 ноября 2015 года. Свидетельство о регистрации ПИ № ТУ02-01477

Телефон

(347)292-77-64

Электрон почта

[email protected]

Адресы

450079, Республика Башкортостан, г. Уфа, ул. 50-летия Октября, 13, каб. 612