-12 °С
Болотло
Бөтә яңылыҡтар
Мәҙәниәт һәм сәнғәт
2 Сентябрь 2020, 11:17
“Ҡош Юлы” фестиваленең иң әүҙем ағзаһы, ойоштороусы, йырсы Миңзәлә ЯХИНА менән блиц-интервью.
– Әгәр бер мәл йырлауҙы, музыка ҡоралдарында уйнауҙы тыйһалар, нимә эшләр инең?
– Миңзәлә, рок-музыка нимәһе менән ылыҡтырҙы һине?
– Ирекле рухы менән арбай.
– Ижадта иң мөһиме нимә?
– Ихласлыҡ. Заказ буйынсаяҙғаным юҡ. Йөрәгең аша үткәргән ысын ижад ҡына үҙ тамашасыһын таба.
– Илһам – ул...?
– Хоҙайҙан бирелгән ҡөҙрәт.
– Һинеңсә, бөгөнгө көндә рокты ниндәй йәштәр тыңлай?
– Буйһонмаусан, заманса уйлай белгән, алдынғы ҡарашлы, ирекле кешеләр үҙ итә.
– Башҡорт рок музыкаһының киләсәге бармы?
– Хөкүмәт әлеге кеүек терәк-таяныс күрһәтһә, киләсәге өмөтлө булыр тип уйлайым.
– Остаздарың...
– Минең остазым – ул сифатлы музыка, профессионал йәки тәбиғи һәләтле йырсы һәм музыканттар.
– Эште планлаштырыу ҡыҙығыраҡмы, әллә тормошҡа ашырыумы?
– Планлаштырыу – алдағы үрҙәргә артылыр өсөн ҡанаттар ҡуя.
– Кем менән сығыш яһарға теләр инең?
– Земфира һәм ҡыҙым менән бергә сәхнәгә сығырға хыялланам.
– Кешенең дан хаҡында хыялланыуы яҡшымы, насармы?
– Дан хаҡында хыялланыу – тәбиғи күренеш. Ләкин “мин-мин” тип өс тинлек осһоҙ абруй артынан ҡыуыу урынына бөйөк һәм саф ижад менән дан алыу хаҡында хыялланырға кәрәк.
– Һинеңсә, кешенең даны артҡан һайын уның азатлығы сикләнәме?
– Дан артҡан һайын яуаплылыҡ көсәйә. Ғөмүмән, һәр кемдең үҙе, балалары, дуҫтары алдында ҙур яуаплылығы бар. Шуға ла һин һәр яҡлап өлгө булырға тейешһең. Шәхсән мин үҙ өҫтөмдә ҙур эш башҡарам, асыуланмаҫҡа һәм түҙем булырға тырышам, насар ғәҙәттәрҙән арындым.
– Музыка ҡоралыңды 5 һүҙ менән ҡылыҡһырла әле.
– Минең гитарам моңло, уйсан, ирекле, рухлы һәм хулиган.
– Әгәр бер мәл йырлауҙы, музыка ҡоралдарында уйнауҙы тыйһалар, нимә эшләр инең?
– Хәрби булыр инем һәм илдә революция эшләр инем. Шаяртам, әлбиттә.
– Кешелә ниндәй сифаттарҙы хөрмәт итәһең?
– Кешелеклелекте ихтирам итәм.
– Башҡортто нимә биҙәй?
– Башҡортҡа башҡорт булыу килешә. Беҙ тыйнаҡ, тәрбиәле халыҡ.
– Һине нимә тиҙ генә сығырыңдан сығара?
– Тупаҫлыҡ һәм эштәрен ихлас башҡармаған кешеләр көйөндөрә.
– Көндөҙ шәм яҡтыртып нимә эҙләр инең?
– Үтеп барған йәшлегемде.
– Нимәнән ҡурҡаһың?
– Үлемдән. Үҙемдең түгел... яҡындарым мәңге йәшәһен ине.
– Көн фразаһы:
– Көндө бушҡа уҙғармай, берәй яңы нәмә өйрәнеп, нимәлер отоп ҡалырға кәрәк!
Филүзә ӘХМӘТОВА.
Читайте нас:
© 2025 "ТАМАША" Республика мәҙәниәт һәм сәнғәт журналының сайты.
Сайт Республиканского журнала культуры и искусства "ТАМАША".
Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы.
Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".
Зарегистрирован Федеральной службой по надзору в сфере связи, информационных технологий и массовых коммуникаций 5 ноября 2015 года. Свидетельство о регистрации ПИ № ТУ02-01477
Телефон
(347)292-77-64
Электрон почта
Адресы
450079, Республика Башкортостан, г. Уфа, ул. 50-летия Октября, 13, каб. 612