-25 °С
Болотло
75 лет Победы
Бөтә яңылыҡтар

“Ғүмер ҡоралым-ҡурай”

Сәхнә йондоҙо, арҙаҡлы ир-уҙаман Рушан БИКТИМЕРОВ быйылғы йылда үҙенең 45 йәшлек, ижад юлының 25 йыллыҡ матур юбилейҙарын билдәләй. Танылған ҡурайсының ижади ҡаҙаныштарын Бөтә донъя башҡорттары ҡоролтайы юғары награда –“Ал да нур сәс халҡыңа” миҙалы менән билдәләне. Ҡурайсыға миҙалды Башҡарма комитет ағзаһы Хәлил Рәхмәтуллин тапшырҙы.

Хөсәйен Әхмәтов исемендәге Башҡорт дәүләт филармонияһында февраль айында Башҡортостан Республикаһының атҡаҙанған артисы, виртуоз-ҡурайсы Рушан Биктимеровтың концерты уҙҙы. “Ғүмер ҡоралым - ҡурай” тип аталған был тамашала артист, бер туған ағаһы - Башҡортостандың халыҡ артисы Радик Вәлмөхәмәтов менән бергә тамашасыларҙы башҡорт халыҡ көйҙәре, композиторҙар әҫәрҙәре, донъя шлягерҙары менән һөйөндөрҙө. Зал тулы тамашасылар һәр бер сығышты көслө алҡыштар менән оҙатты.
Читайте нас в