“Күккә олғашҡан усаҡ һаман күҙ алдымда”

Нимә ул һеҙҙең өсөн Пионерҙар көнө, нисек уны үткәрә инегеҙ, ошо көн менән бәйле хәтирәләрегеҙ менән уртаҡлашһағыҙ ине. Ошо һорауҙар менән “Тамаша” журналы Мостай Кәрим исемендәге Милли йәштәр театры актеры, Башҡортостандың атҡаҙанған артисы Илсур ХӘБИРОВҡа мөрәжәғәт итте.

- 19 май беҙҙең быуын кешеләренең иң көтөп алған байрамы ине, тип әйтһәм, һис тә яңылышмам. Патриотик хистәр, дуҫлыҡ, берҙәмлек кеүек төшөнсәләр, бәлки, нәҡ ошо ваҡытта яралып, нығынғандыр.

Ул көндә дәрестәр булмай ине, мәктәптән йыраҡ түгел туғайлыҡта иң тәүҙә линейка үткәрелә ине. Шунан башлана ине спорт ярыштары. Кемуҙарҙан төрлө йыраҡлыҡҡа йүгереү, оҙонлоҡҡа, бейеклеккә һикереү һәм башҡа төр бәйгеләрҙә ҡатнашыу. Туғайлыҡ гөр килә бала-сағаның шат тауыштарынан. Физкультура уҡытыусыһы Булат ағай Буранғолов етәкселегендә туғайҙа йондоҙ формаһында ер ҡаҙып, яҡындағы урмандан күп итеп кипкән ағас ботаҡтары өйөп, ҡайтып китә инек.

Тамаҡ туйҙырып, ял итеп, кискеһен йәнә туғайлыҡҡа киләбеҙ. Усаҡ яғырға. Күккә олғашҡан шул усаҡ һаман күҙ алдымда. Йырҙар йырлап, төрлө уйындар уйнап, һуң ғына таралыша инек.

Рената ЮЛУБАЕВА яҙып алды

Читайте нас:

© 2024 "ТАМАША" Республика мәҙәниәт һәм сәнғәт журналының сайты.
Сайт Республиканского журнала культуры и искусства "ТАМАША".
Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы.
Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".

Зарегистрирован Федеральной службой по надзору в сфере связи, информационных технологий и массовых коммуникаций 5 ноября 2015 года. Свидетельство о регистрации ПИ № ТУ02-01477

Телефон

(347)292-77-64

Электрон почта

[email protected]

Адресы

450079, Республика Башкортостан, г. Уфа, ул. 50-летия Октября, 13, каб. 612