100 килограмға ябыҡҡан!

Билдәле Рәсәй киноһы актеры Александр Семчевты телевизор аша киң күңелле һимеҙ кешеләр ролендә күреп күнеккәнбеҙ. Был режиссер һәм продюсерҙар өсөн кәрәк булһа ла, актерға ҡыйынлыҡтар килтерә башлай.

Еңелме ни 200 килограмм ауырлыҡтағы кәүҙәне йөрөтөү? Бынан тыш, уның һаулығы менән проблемалары башлана: шәкәр диабеты, юғары ҡан баҫымы, тын алыуы ауырлаша...

Актер үҙен ҡулға ала һәм 100 килограмға ябыға! Күптәр ул быны "мөғжизәле" таблеткалар йәки операция ярҙамында эшләгән тип уйлаһа ла, Александр белдереүенсә, диета, ашауҙы сикләү һәм мотивация сәбәпле ошондай һөҙөмтәгә өлгәшә.

Тәү сиратта ул туҡланыу өлөштәрен кәметә, тауыҡтың аҡ итен, күркә итен һәм балыҡты сиратлаштырып ашай. Шулай уҡ сей йәшелсәләрҙән салаттарға өҫтөнлөк бирә. Тағы бер сере: күп итеп һыу эсә башлай. Был метаболизмды яҡшыртыу өсөн кәрәк икән. Александр калориялар иҫәпләй башлай, бының өсөн телефонына махсус программа ҡуя хатта.

Ә бына уның мотивацияһына килгәндә, фекерҙәр айырыла. Кемдер йәш һөйгәне өсөн ябығырға була тиһә, Семчин быны инҡар итә. 50 йәшлек актер әле яңғыҙ һәм улын тәрбиәләй. Ул ни бары "үҙемә үҙем асыуландым һәм ҡулға алырға булдым" ти.

Актерҙың был аҙымы башҡа тән ауырлығы ташлай алмаған кешеләр өсөн мотивация булһын.

Автор:

Читайте нас: