Бар ауырыуға дауа булыр үлән

1. Бауыр, ашҡаҙан-эсәк тракты ауырыуҙарынан, угри, һытҡынан 1 аш ҡалағы кипкән үләнгә 200 мл эҫе һыу ҡойоп, эмалле кәструлгә ултырталар. Ҡапҡасын ябып, һыу боҫонда 30 мин бешерәләр. Унан 3 ҡат марля менән һөҙөп, 200 мл ҡайнар һыу өҫтәйҙәр. Әҙер дауаны көнөнә 3 тапҡыр ашарҙан 20 минут алда берәр аш ҡалағы эсергә кәрәк.
⠀
2. Гeпaтиттан.
30 гp онталған шайтан таяғы орлоғона 500 мл һыу ҡойоп, һүрән утҡа ултыртығыҙ. Һыуҙың яртыһы ҡайнап бөткәс, уттан алып 10 минут төнәтегеҙ. Иртәнге 8-ҙән киске 8-гә тиклем сәғәт һайын 1-әр аш ҡалағы төнәтмәне эсегеҙ.
Дауаланыу курсы ошолай: 21 көн төнәтмәне эсәһең һәм 2 аҙна ял итәң. Унан йәнә 21 көн эсергә кәрәк булыр.
⠀
3. Организмдан токсиндарҙы сығарыу өсөн үләнде тамыры менән алалар. 2 аш ҡалағы онталған үләнде ярты литр ҡайнар һыу менән төнгөлөккә төнәтергә ҡуялар.
Әҙер төнәтмәне стакандың 3/4 өлөшөнә ҡойоп, көнөнә 3 тапҡыр эсергә.
⠀
— Ағыуланғанда
көнөнә 3-5 тапҡыр 1-әр аш ҡалағы эсергә. Аралары тигеҙ булырлыҡ итеп һанап сығарығыҙ. Дауаланыу курсы: cимптoмдары сығып бөткәнсе.
⠀
— Химиoтepaпия ваҡытында:
көнөнә 4 тапҡыр 1-әр дecepт ҡалағы эсергә кәңәш ителә. Шулай уҡ ҡабул итеү ваҡыты арауыҡтары тигеҙ булһын. Дауаланыу курсы: терапия үткәргән ваҡыт. Аҙаҡ йәнә 20-25 көн дауамында шулай уҡ көнөнә 4 тапҡыр, тик 1-әр балғалаҡ.
⠀
4. Шайтан таяғы орлоғонан сәй.
1 балғалаҡ орлоҡҡа 250 мл ҡайнап ултырған һыуҙы ҡойоп, 10-20 мин төнәтәләр ҙә һөҙөп алалар. Иртәнсәк ас ҡарынға 1 сынаяҡ эсергә. Шулай уҡ төшкөһөн ашарҙан ярты сәғәт алда һәм кис йоҡлар алдынан.
Ошолай иткәндм ашты үҙләштереү ваҡыты яҡшыра, бауыр таҙара, кәйеф күтәрелә.

Һау-сәләмәт булығыҙ!

Халыҡ медицинаһы реңепттарын ҡулланыр алдынан табип менән кәңәшләшегеҙ.