1. Бының өсөн 1-әр балғалаҡ лимон һуты, бал һәм үҫемлек майын ҡушып болғатығыҙ һәм иртән ас ҡарынға эсегеҙ.
Дауаланыу курсы – 10 көн.
Шулай уҡ 1 балғалаҡ бал менән ярты лимон һутын ҡушып болғатығыҙ ҙа 3/4 стакан йылы һыуға һалығыҙ.
Был һыуҙы йоҡлар алдынан 10 көн дауамында эсеп ятығыҙ.
2. Ит турағыстан 2 уртаса ҙурлыҡтағы лимонды үткәреп, 2 аш ҡалағы бал ҡушып болғатығыҙ. Унан быяла һауытҡа һалығыҙ ҙа бүлмә температураһында бер тәүлек тотоғоҙ.
Әҙер дауаны көнөнә 2-3 балғалаҡ ашағыҙ. Шулай уҡ сәйгә ҡушып эсергә була.
Һау-сәләмәт булығыҙ!
Халыҡ медицинаһы рецептарын ҡулланыр алдынан табип менән кәңәшләшегеҙ!