Боланут сәйе (Иван-чай)

Өйөбөҙгә хуш еҫтәр таралды - ауыл тәме аңҡый! Әйтеп аңлатҡыһыҙ тыуған яҡ еҫе! Боланут (Иван-чай) киптерәбеҙ.Асылда, беҙ йәшәгән ҡала сите шау боланут ул. Шул дарыуҙың өҫтәрендә көн-төн кирбес йорттар артыуына әсенеп, йәлләп тә ҡуям. Әммә ауылдағы үләндәргә етмәй! Уның тәме, еҫе, һуты башҡа! Ҡыш көндәре күп төрлө үләндәрҙән сәй ҡайнатып ебәрһәң, тыуған яҡтың үҙенә ҡайтҡандай булаһың - ожмах кеүек аҡландарына, хөрриәттәй сәхрәләренә, әкиәт кеүек йәйҙәренә!Беҙҙең халҡыбыҙ борон-борондан тәбиғәткә яҡын булған. Шифалы үләндәрҙе яттан белеп, һәр ҡайһыһының файҙаһын күреп йәшәгән, шуға күрә рухи яҡтан да, физик йәһәттән дә ныҡлы булған. 7 төрлө үлән ҡушып сәй эсмәһә - башҡорт булмаҫ, тигәндәр))Ҡәҙерле дуҫтар, әйҙәгеҙ, халҡыбыҙҙың ана шул ерле асылын ҡайтарайыҡ! Аяҡ аҫтыбыҙ туп-тулы шифа бит! Дарыухананан, магазиндарҙан теләһә ни алып эскәнсе, үҙебеҙҙең туған тупраҡтың энергетик көсөн, сихәтен, дауаһын алайыҡ!Боланут сәйен әҙерләүҙе Һеҙгә лә тәҡдим итәм: