-15 °С
Болотло
Бөтә яңылыҡтар
"Халҡым һаулығы - илем байлығы"
10 Июль 2020, 17:13
«Ҡымыҙфест» республика байрамы беренсе тапҡыр онлайн-форматта үтәсәк
Башҡортостан халҡын «Ҡымыҙфест» республика байрамында ҡатнашырға саҡыралар. Этник мәҙәниәтте үҫтереүгә йүнәлтелгән сара беренсе тапҡыр онлайн-форматта үтә. Был проект милли йолаларыбыҙҙы пропагандалау һәм популярлаштырыу, ҡымыҙ әҙерләү буйынса башҡорт халҡының традицияларын һаҡлап ҡалыу һәм үҫтереү маҡсатында үткәрелә. Ойоштороусылар шулай уҡ йылҡысылыҡ һәм ҡымыҙ әҙерләү йүнәлештәрен үҫтереү һәм уларҙың етештереү күләмен арттырыу, тәжрибә менән уртаҡлашыу һәм «Башҡорт ҡымыҙы» брендын алға этәреү кеүек маҡсаттарҙы алға ҡуя.
Конкурста ҡымыҙ етештереүселәр ҡатнаша ала. 27 июлгә тиклем ҡымыҙ һәм уны әҙерләү буйынса видеояҙма төшөрөп, заявка ебәрергә кәрәк. Яҙма мотлаҡ үҙегеҙҙең тыуған яҡтарҙа төшөрөлөргә тейеш. Заякала район йә ҡала, исем-шәрифегеҙ, телефон номеры һәм электрон почта, видеояҙманың исеме күрһәтелергә тейеш.
Конкурсҡа килгән барлыҡ эштәр БР халыҡтар дуҫлығы йортоноң YouTube-каналында махсус плейлист итеп урынлаштырыласаҡ. Эштәрҙе ҡымыҙсылыҡ тармағындағы белгестәрҙән торған жюри баһалаясаҡ. Еңеүселәр диплом һәм бүләктәр менән билдәләнәсәк.
Материалдарҙы ddnrb-info@mail.ru электрон почтаһына ебәрергә кәрәк.
Килеп сыҡҡан һорауҙар буйынса түбәндәге телефондарға шылтыратырға мөмкин: 276-62-75, 8-987-037-78-69
Башҡортостандың мәҙәни донъяһы
Новости партнеров