ЙЫРҘЫҢ ЙЫРТЫҒЫ ЮҠ, ТИҺӘЛӘР ҘӘ...

Ә ҡатын-ҡыҙ йырсының, ҡосағына ингем килә, тип йырлауын нисек ҡабул итергә? Ҡасандан ҡатын-ҡыҙ яратыуын ғына түгел, эротик хыялдарын да шулай асыҡтан-асыҡ әйтеүҙән оялмай башланы әле? Ни булды беҙгә?
"Сибай" йырының бер вариантында ҡайтып ҡатынын күреүҙән мәхрүм ир ҙә уны танһыҡлағандыр бит, әммә:
"Киң түшәккәйҙәрен тарҙар йәйеп
Йоҡлай микән Фатимам төш күреп", - тип йырлаған! Ниндәй кинәйә, ниндәй образ, ниндәй сафлыҡ, тәүфиҡ!
Беҙҙең халыҡ йырҙарында "яратам, һөйәм" һүҙҙәре юҡ, әммә шул тиклем тәрән мөхәббәт сағылдырыла, аңланыла:
Күҙ алдыҡайымдан үтеп китһәң
Күҙ алмаҡайҙарым ирейҙер!
Бына нисек әйткән уҙған быуаттарҙың "грамотаһыҙ" ғашиғы!!!
Һеҙҙең дә фекерҙәрҙе беләһе килә, дуҫтар.

"Башҡорт ҡатын-ҡыҙы" төркөмөнән.