Бөгөнгө һайлау башҡа һайлауҙарҙан айырыламы? Һеҙ уға ниндәй яҡты ниәттәр бағышлайһығыҙ?

- Илебеҙ өсөн бик ауыр һәм яуаплы осор. Сөнки, ғөмүмән, донъяла бик күп һәр төрлө сәйәси нигеҙҙә бәрелештәр барған осор. Бик күп илдәр Рәсәйгә күҙ төбәп, ышаныс белдереп йәшәй, көн итә. Ошондай саҡта Илебеҙ эсендә мотлаҡ тотороҡлолоҡ булдырыу, халыҡтарҙың хәүефһеҙлеген тәьмин итеү мөһим. Был юҫыҡта дөрөҫ йүнәлешле эште бары көслө лидерҙар ғына алып бара. Һәр төрлө бәләкәй низағтар, провокациялар халыҡтың ил етәкселегенә ышанысын ҡаҡшатмаҫҡа тейеш. Дөйөм хәүефһеҙлеккә табан ынтылыу өсөн бөгөнгө һайлауҙың мөһимлеген аңлап, һәр кем үҙ тауышын, үҙ өлөшөн индерергә тейеш. Берҙәмлекте арттырыуҙың мөһимлеген Илебеҙ төбәктәрендә йәшәүсе һәр кем аңлап, һайлау алдында торған саҡта, глобаль кимәлдә ниндәй ауыр осор кисергән кешелектең мәсьәләләрен ыңғай хәл итерлек лидерҙарға теләктәшлек белдерһә ине.