“Олег Ханов. Мин һайлаған яҙмыш” китабының презентацияһы үтте.

Уҙған йомала Башҡорт опера һәм балет театрының Шаляпин залында “Олег Ханов. Мин һайлаған яҙмыш” китабының презентацияһы үтте.  Китап актер, режиссер һәм педагог, Рәсәйҙең - атҡаҙанған, Башҡортостандың халыҡ артисы, Башҡортостандың Салауат Юлаев исемендәге дәүләт премияһы лауреаты, Станиславский Халыҡ-ара премияһы лауреаты Олег Хановтың тормошона һәм ижадына арналған. Авторы - сәнғәт ғилеме кандидаты, доцент, Заһир Исмәғилев исемендәге Өфө дәүләт сәнғәт институтының сәнғәт теорияһы һәм тарихы кафедраһы мөдире Айһылыу Сәғитова. Китапта  Олег Закир улының бала сағы, студент йылдары, Мәжит Ғафури исемендәге башҡорт академия драма театрында, А. Райкин исемендәге “Сатирикон” театрында,  Ырымбур дәүләт драма театрында эшләгән йылдары, уның бөгөнгө тормошо һәм ижады  хаҡында бәйән ителә. Шулай уҡ бында Олег Хановтың көндәлектәренән өҙөктәр индерелгән.

Кисәлә Олег Хановтың остазы Фәрдүнә Ҡасим ҡыҙы Ҡасимова, төрлө театрҙарҙа эшләп йөрөгән төркөмдәштәре, коллегалары сығыш яһаны. Сарала ихлас теләктәргә лә, матур ҙа, тетрәндергес тә хәтирәләргә лә урын булды.

Фото - Башинформ.