МӨНКИР МЕНӘН НӘНКИР

Яуап алыусылар:

Диалекттарҙа Нәңкер, Мөңкәр, Мәңкер, Мөңкөр варианттары ла осрай. Башҡорт мифологияһына ислам менән килеп ингән образдар. Ышаныуҙар буйынса, теге донъяла үлгән кешенән һорау ала торған ике фәрештә. Улар, кешене ерләп 40 аҙым киткәс, һорау алырға килә. Хоҙай тәғәләгә ышанған кешеләргә улар теймәй, ә ышанмағандарҙы тамуҡҡа тиклем үк ыҙалата башлайҙар икән. Был ике фәрештәнең исеме халыҡ ижадына ла ингән. Бигерәк тә әжәл, яуап көнөн көтөү, әхирәткә әҙерләнеү менән бәйле һыҡтау-һығыныуҙарҙа Нәнкир менән Мөнкир фәрештәләрҙең исемдәре сағылыш тапҡан. Сағыштырығыҙ:

Һуҙылып мин ятып үлермен,

Еңһеҙ генә күлдәк кейермен.

Нәңкер, Мөңкөр килеп һорау алыр,

Ни нәмә тип яуап бирермен?

Ғазраил алыр йәнемде,

Мәсет ҡарты йыяр тәнемде.

Нәңкер, Мөңкөр килеп һорау алыр,

Кем белер ҙә инде хәлемде.

(БХИ. Йола фольклоры. I т.).

Читайте нас:

© 2024 "ТАМАША" Республика мәҙәниәт һәм сәнғәт журналының сайты.
Сайт Республиканского журнала культуры и искусства "ТАМАША".
Ойоштороусылары: Башҡортостан Республикаһының Матбуғат һәм киң мәғлүмәт саралары буйынса агентлығы; Башҡортостан Республикаһының "Республика Башкортостан" нәшриәт йорто дәүләт унитар предприятиеһы.
Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом "Республика Башкортостан".

Зарегистрирован Федеральной службой по надзору в сфере связи, информационных технологий и массовых коммуникаций 5 ноября 2015 года. Свидетельство о регистрации ПИ № ТУ02-01477

Телефон

(347)292-77-64

Электрон почта

[email protected]

Адресы

450079, Республика Башкортостан, г. Уфа, ул. 50-летия Октября, 13, каб. 612