БАЛАЛАРҘЫҢ ҠЫҘЫҠТАРЫ

Ҡыҙыма аш һалып бирҙем.– Аша, аша, тиҙерәк үҫерһең, – тим, гел ҙур булырға хыялланыуын иҫәпкә алып.– Һәм әбей булырмын… – тип дауам итте ул шаярып.***– Әсәй, нишләп беҙгә уйынсыҡты һин генә ала башланың?– Мин генә түгел, атайың менән бергәләп. Атайың аҡса эшләп бирә, ә мин магазинға барып алам.– Улай булғас, атай – аҡса эшләүсе, һин – һатып алыусы икән.– Ә һин кем инде?– Мин рәхмәт әйтеүсе.***Уйын майҙансығында ошондай һөйләшеү булып алды:– Ҡыҙым, ул башҡорт малайы бит, ниңә уның менән русса һөйләшәһең?– Ул үҙе русса һөйләшә бит.– Ә һин башҡортса һөйлә.– Ә ул барыбер русса әйтә.– Ул урыҫтыр атыу...– Ул башҡорт урыҫы, әсәй.***Ҡыҙым минең кемгәлер ошолай тип һөйләгәнемде ишетеп ҡалды: "Икенсегә ҡыҙ көтөп йөрөйҙәр ине, УЗИ малай тип әйткән дә ҡуйған..." Ҡыҙым һис тә аптырамай ғына: "Киндер-сюрприздан да Маша сығырмы типкөтһәң, айыу килә лә сыға бит – шуның һымаҡ инде", – тип көлдөрөп алды. Тағы ла ҡыҙығыраҡтары сайтыбыҙҙа, инеп уҡып көлөгөҙ)