-15 °С
Болотло
75 лет Победы
Бөтә яңылыҡтар
Дөйөм мәҡәләләр
13 Март 2021, 11:00

КҮБЕК МАЙЫ

Һыйырҙар быҙаулап, тәмле ыуыҙ ҡоймаҡтары ашап, һөт-ҡаймаҡҡа туйып алғас, бер төрлө әскелтем һөт ризыҡтары ла ашағы килә башлай. Бына ошо мәлдә, бик оҫта хужабикәләр генә эшләй алған КҮБЕК МАЙЫ тигән ризыҡ әҙерләнә. Ағас көбөлә туҡый-туҡый, йөрәк йылыһын һәм изге ниәттәр ҡушып эшләгәнгә лә аҡ болоттай еңел, мамыҡтай йомшаҡ һәм... әйтеп килештереп булмаҫтай тәмле ризыҡты ашап ҡарағандар бармы беҙҙең арала? Ә эшләп ҡарағандар? Эшләү рецебы:

3-4 көн һөттөң шыйыҡ ҡаймағын (һөт өҫтөн) айырып йыйнайбыҙ. Үткәрелгән һөттән ҡатыҡ эшләп, йылы урында ултыртып алғас, ағас көбөгә ҡаймаҡты ла, ҡатыҡты ла ҡойоп, талғын ғына һелкеткеләп туҡырға кәрәк. Был эш ап-аҡ ҡына еңел май күбексәләре айырылып сыҡҡанса дауам итә. Үтә шәп туҡығанда ла, үтә яй туҡығанда ла күберектәй май милеп сыҡмай. Иң әүәле, бисмиллалап, күңел һалып тотонорға кәрәк.
Аштарығыҙ тәмле булһын!
Миләүшә ҠЫҘРАСОВА әҙерләне
Читайте нас в