Ишембай трикотаж әйберҙәр фабрикаһынан сыҡҡан улар. Фабрикаға 1966 йылда нигеҙ һалына. Был еңел сәнәғәт предприятиеһы 300 төргә яҡын эске һәм өҫкө трикотаж кейемдәре сығара, продукцияның 60 процентҡа яҡыны — балалар ассортименты. Рәсәйҙә ошондай профилдәге 123 предприятие араһында трикотаж әйберҙәр сығарыу күләме буйынса 6-сы урынды алып тора (йылына 3 млн дананан артыҡ). 2012 йылға дөйөм Рәсәй күләмендә фабрика продукцияһының сағыштырмаса ауырлығы 4 процентҡа яҡын тәшкил итә. Юридик шәхес булараҡ тулы исеме — «Почёт Билдәһе» орденлы «Ишембай трикотаж әйберҙәр фабрикаһы» ябыҡ акционер йәмғиәте.