-6 °С
Болотло
75 лет Победы
Бөтә яңылыҡтар
Дөйөм мәҡәләләр
21 Август 2020, 19:45

“Башҡортостан – әүлиәләр иле”

Йылайыр районының Ҡаҙырша ауылы эргәһендә, бик матур тәбиғәт ҡосағында “Бәйғәмбәр эҙе” тип аталған изге урын бар. Ҡаҙырша ауылынан ике саҡырым алыҫлыҡта, Бирмәҫ йылғаһы буйындағы бейек ҡаяташ ул. Шул таштың итәгендә кеше аяғының эҙе бар. Береһе - ҙур эҙ, икенсеһе - бәләкәй бала аяғының юлы.

Бик эҫе ваҡытта, хатта таштар иреп ятҡан бер саҡта, Мөхәммәт Бәйғәмбәр бер улы менән тау башынан шунда һикергән икән, тип һөйләйҙәр ауыл кешеләре. Ул изге таш һанала. Юлдан үтеп йөрөүсе кешеләр, йәше-ҡарты, шул таш эргәһендә туҡталып китә. Ҙур аяҡ эҙенә сәскә, еләк, муйыл, бик булмаһа, матурыраҡ таш киҫәге булһа ла һалып уҙалар. Икенсе аяғының эҙе ауыл эргәһендәге йылға буйында. Бәйғәмбәр эҙҙәре саҙаҡа итеп һалып ҡалдырылған тәңкәләр, ҡулъяулыҡ, сәскәләр гөлләмәһенән өҙөлмәй. Геологтарҙан айырмалы рәүештә ауылдың ҡарттары был эҙҙәрҙең, ысынлап та, бәйғәмбәрҙеке икәненә ихлас ышана һәм Ҡыһыланташ менән Сумаҡай тауы араһында торған Бәйғәмбәр ташын – 20-25 метр бейеклектәге ҡаялы тауҙы – изге урын тип иҫәпләй.
“Бәйғәмбәр эҙе” тураһында “Башҡортостан – әүлиәләр иле” pdf китабынан уҡый алаһығыҙ.
Миләүшә ҠЫҘРАСОВА
Читайте нас в