-6 °С
Болотло
75 лет Победы
Бөтә яңылыҡтар
Дөйөм мәҡәләләр
9 Июль 2020, 13:16

Гөлназдан өс һорауға яуап

Ҡабатланмаҫ моңло тауышы менән йыр һөйөүселәрҙең күңелен әсир иткән йәш йырсы Гөлназ Асаева. Йырлы-моңло, ижади ғаилә мөхитендә үҫкән ҡыҙ (ата-әсәһе – Башҡортостандың халыҡ артисы Фәдис Ғәниев менән Башҡортостандың атҡаҙанған артисы Лилиә Биктимерова) 14 йәшендә үк йыр сәнғәте менән етди шөғөлләнергә ҡарар итә.

– Тамашасы һине сәхнәлә иманлы, нәзәкәтле, тыйнаҡ башҡорт ҡыҙы тип күреп өйрәнгән. Гөлназ Асаева тормошта ниндәй кеше икән?– Тәмәке, алкоголле эсемлектәр менән бөтөнләй мауыҡмайым. Йәйәү йөрөү, бейеү, спорт менән шөғөлләнеү һау-сәләмәт, күтәренке кәйефтә булырға ярҙам итә миңә.– Йырҙар тыңлағанда үҙең ниндәй музыкаға өҫтөнлөк бирәһең?– Мин классик музыка, опера тыңлап, үҙемә илһам алам. RNT, Элвин Грей, Зәйнәп Фәрхетдинова, Филүс Ҡаһиров, Ришат Төхвәтуллиндың йырҙары оҡшай.– Уңышлы булыу серҙәре нимәлә?– Йәш саҡ – бер мәл генә. Үҙеңде һәр яҡлап һынап ҡарар өсөн ҡурҡып торорға ярамай. Тәүәккәл, тырыш булған да ғына тормошта үҙ юлыңды табырға була.
Читайте нас в