-6 °С
Болотло
75 лет Победы
Бөтә яңылыҡтар
Дөйөм мәҡәләләр
29 Май 2020, 12:27

Дәрүиштең тыңлауһыҙ һаҡалы

Октябрьский ҡалаһында режиссер Рифҡәт Исрафилов ҡуйған «Ай тотолған төндә» трагедияһы уйнала. Дәрүиш ролендә билдәле артист Хәмит Шәмсетдинов, Тәңкәбикәне СССР-ҙың халыҡ артисткаһы Гөлли Мөбәрәкова башҡара. Спектаклдә ошо ике образ осрашып аңлашҡан бик көсөргәнешле сәхнә бар. Ошо сәхнә барышында Дәрүиш, пафос менән, ҡулдарын һелтәп, «Тәңкәбикә!» тип ҡысҡырып һүҙ башлаған арала һаҡал йәбештерелгән эйәгенең яланғас икәнен һиҙеп ала артист.

Баҡтиһәң, һаҡал уның таяҡ тотҡан ҡулына ҡуша ҡыҫылып тороп ҡалған икән. Эштең ниҙә икәнен һиҙгән Х.Шәмсетдинов, яйлап ҡына, тамашасыға һиҙҙермәй генә эйәген һаҡалы ҡалған таяғына яҡын килтереп, кире йәбештереп ҡуя. Был хәлде аҙ — маҙ күргән ҡайһы бер тамашасы көлә башлай, ә бит трагедия уйнала, етмәһә кульминация сәхнәһе…. (Башдрамтеатр сайтынан)
Читайте нас в